Bakının mərkəzində sanitar qovşaqdan istifadə etmək üstündə insident yaşanıb.
Lent.az-ın xəbərinə görə, hadisə gecə saatlarında Səbail rayonu, Xaqani bağının yaxınlığında qeydə alınıb.
35 yaşlı Qazaxıstan vətəndaşı Samir Piriyev (şərti adla) həmin ərazidə “Ayaqüstü pub”da pivə içəndən sonra sərxoş olub və obyektin tualetindən istifadə etmək istəyib. Lakin obyektin xanım administratoru tualetdə təmizlik işləri aparıldığı üçün onu sanitar qovşağa buraxmayıb. Bundan hiddətlənən Samir qadınla yüksək səslə mübahisə edib və nalayiq ifadələr işlədib. Ətrafda olanlar onu sakitləşdirməyə və qarşısındakının xanım olduğunu bildirməyə çalışsalar da, Samir buna məhəl qoymayıb. Hətta onu sakitləşdirmək istəyənlərdən birini əli ilə itələyib.
Ərazidə xidmətdə olan polis əməkdaşları faktla bağlı Samiri saxlayıblar və onun barəsində müvafiq protokol tərtib olunub.
Samir Piriyev ətrafda olan şəxslərə mübahisəyə qarışmamalarını bildirdiyini deyib. O, əməlindən peşman olduğunu bildirərək, barəsində yüngül cəza verilməsini istəyib.
Məhkəmənin qərarı ilə S. Piriyev 70 manat məbləğində cərimələnib.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
