Oktyabrın 24-də saat 8 radələrində Xətai rayonu ərazisində 38 yaşlı Hacı Mahmudovun ölməsi barədə rayon prokurorluğuna məlumat daxil olub.
Xətai rayon Prokurorluğundan Lent.az-a verilən xəbərə görə, araşdırma zamanı 37 yaşlı Raidə Mahmudovanın birgə yaşadıqları mənzildə aralarında yaranmış mübahisə zamanı əri Hacı Mahmudovun baş nahiyəsinə küt alətlə zərbələr yetirməsi və çarpayıdan yerə itələməsi nəticəsində sonuncunun almış olduğu xəsarətlərdən ölməsinə əsaslı şübhələr müəyyən edilib.
Faktla bağlı Xətai rayon prokurorluğunda Cinayət Məcəlləsinin 126.3-cü (qəsdən sağlamlığa ağır zərər vurma ehtiyatsızlıqdan zərərçəkmiş şəxsin ölümünə səbəb olduqda) maddəsi ilə cinayət işi başlanaraq istintaq aparılır.
Raidə Mahmudova iş üzrə şübhəli şəxs qismində tutulub.
***
Bakıda qətl törədilib.
Lent.az-ın məlumatına görə, hadisə bu gün səhər saatlarında Xətai rayonu, Ç.Kərimov küçəsində qeydə alınıb.
Həmin küçədəki evlərdən birində 38 yaşlı Hacı Mahmudovun üzərində xəsarətləri olan meyitini qardaşı aşkar edib.
Dərhal hadisə barədə polisə məlumat verilib.
Daxil olmuş məlumat üzrə polis əməkdaşları tərəfindən hadisənin mərhumun həyat yoldaşı, 37 yaşlı Raida Mahmudovanın törətdiyi müəyyən edilib.
R. Mahmudova saxlanılaraq istintaqa təhvil verilib.
İlkin məlumata görə, hadisə qısqanclıq zəminində törədilib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
