Bakıda sığınacağa hücum edilib.
Azərbaycan Uşaqlar Birliyinin sədri Kəmalə Ağazadə Lent.az-a açıqlamasında bildirib ki, Azərbaycan Uşaqlar Birliyinin Uşaq Sığınacağı Reinteqrasiya Mərkəzi bu gün sığınacağa yerləşdirilən uşaqların valideynləri tərəfindən hücuma məruz qalıb.
Kəmalə Ağazadə qeyd edib ki, bu gün səhər saatlarında diləndirilən 2 azyaşlı sığınacağa yerləşdirilib: "Münaqişə yaradanlar həmin uşaqların valideynləridir. Əslən Ağstafa rayonundan olan, lakin Yasamal rayonunda müvəqqəti kirayə qalan valideynlər uşaqları metrolarda diləndirirmiş. Metropoliten işçiləri Daxili İşlər Nazirliyinin İctimai Təhlükəsizlik İdarəsinin əməkdaşlarına məlumat verən kimi uşaqlar sığınacağa gətirilib. 2 gün öncə də həmin valideynlər Xətai rayon polis idarəsində saxlanılıb, dindiriliblər. Özünü qazi kimi qələmə verən ata uşağı dilənçiliyə məcbur edirmiş. 12 və 9 yaşında olan əmi qızı və əmi oğlu heç vaxt məktəbə getməyib. Davamlı olaraq diləndiriliblər. Azyaşlıların dediklərinə görə gündəlik qazancları 120 manata qədər olurmuş. Hazırda hücum edən şəxslər izahat alınması üçün polis idarəsinə aparılıb, uşaqlar isə mərkəzimizdədir”.
Həmin görüntüləri təqdim edirik:
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
