Bakıda yeniyetmə oğlan yanıb.
Lent.az xəbər verir ki, hadisə aprelin 23-də baş verib. Məlumata görə, həyətdə tikintidə istifadə etmək üçün bitium-neft qarışığı (qır) qaynadılırmış. Bu zaman həyətdə oynayan azyaşlılar qazana yaxınlaşıb və 14 yaşlı Sənan Allahverdiyev onları qorumaq üçün özünü qabağa atıb.
Sənan azyaşlıları qorumaq üçün onları kənara çəkib lakin ayağı sürüşərək yıxılıb. Bu zaman qır dağılaraq, onun üzərinə tökülüb. Nəticədə 14 yaşlı Sənanın üzü və bədəninin müxtəlif hissələri yanıb.
O, hazırda Nərimanov Tibb Mərkəzinin (keçmiş 5 saylı xəstəxana) yanıq şöbəsində müalicə alır. Onun xəsarəti həkimlər tərəfindən 4-cü dərəcəli yanıq kimi qiymətləndirilib.
Qeyd edək ki, yeniyetmənin müalicəsi üçün pula ehtiyac var. Kömək etmək istəyənlər tibb mərkəzinin yanıq şöbəsinə müraciət edə bilərlər.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
