Masallı rayon vərəm dispanserinin baş həkimi Mirrəhim Nəbiyev intihara cəhd edib.
Lent.az xəbər verir ki, bu barədə sosial şəbəkələrdə məlumat paylaşılıb.
Məlumatda onun intihara cəhd etdiyi, lakin həyatı xilas olunaraq Bakıya gətirildiyi bildirilir.
Hüquq-mühafizə orqanlarından Lent.az-a verilən məlumata görə isə Mirrəhim Nəbiyevin dərmandan zəhərləndiyi qeyd olunur.
Bildirilib ki, hadisənin intihara cəhd olub-olmadığı araşdırılır.
Daxili İşlər Nazirliyi mətbuat xidmətinin Lənkəran regional qrupundan Lent.az-a bildirilib ki, həmin şəxsin dərman zəhərlənməsi diaqnozu ilə xəstəxanaya daxil olması ilə bağlı Masallı rayon Polis Şöbəsinə məlumat daxil olub. Vəziyyəti ağır olduğundan o Bakıdakı tibb müəssisələrindən birinə aparılıb.
Faktla bağlı Masallı rayon Polis Şöbəsində araşdırma aparılır.
Təfərrüatlar onun dindirilməsindən və araşdırma aparıldıqdan sonra məlum olacaq.
Mirrəhim Nəbiyev
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
