Azər Maqsudov məşhur alimi maşınla vurub öldürdü - YENİLƏNİB

Xəbər verdiyimiz kimi tanınmış alim Arif Acaloğlu yol qəzasında dünyasını dəyişib.

Lent.az APA-ya istinadən xəbər verir ki, onu vuran “Mercedes” markalı avtomobilin sürücüsünün kimliyi bilinib.

Avtomboili idarə edən şəxs Kliniki Tibbi Mərkəzin (KTM) Toksikologiya şöbəsinin müdiri Azər Maqsudov olub.

***

saat 11:41

Bakıda tanınmış alim yol qəzasında dünyasını dəyişib.

Lent.az xəbər verir ki, bu barədə onun yaxınları sosial şəbəkədə məlumat yayıb. Məlumata əsasən, İstanbul Mərmərə Universitetinin müəllimi, türkoloq alim Arif Acaloğlu dünən saat 23:30-da Bakıda yol qəzasında həlak olub.

Hadisə Olimpiya Stadionunun yaxınlığında baş verib. Azər Maqsudovun idarə etdiyi "Mercedes" markalı avtomobil yolu keçən alimi vurub. O, xəstəxanaya yerləşdirilsə də, həyatını xilas etmək mümkün olmayıb.

Yayılan məlumata görə, o, Azərbaycana AMEA-nın dəvəti ilə konfransda iştirak etmək üçün gəlib.