Bakıda oğurluqla məşğul olan 4 nəfər tutulub

Bakı şəhər Baş Polis İdarəsindən Lent.az-a verilən məlumata görə, iyulun 13-ü saat 05 radələrində A.Məmmədov küçəsində kirayədə yaşayan Qalib Məmmədov yaşadığı mənzilə daxil olarkən naməlum şəxs onun arxasınca mənzilə daxil olaraq bıçaqla hədələyib. 1 ədəd noutbuk və qızıl-zinət əşyalarını aparan şəxs keçirilmiş əməliyyat tədbirləri nəticəsində müəyyənləşdirilib və quldurluq etmiş Bakı şəhər sakini Namiq İsmayılov iyulun 25-də Binəqədi RPİ 7-ci PB-nin əməkdaşları tərəfindən tutulub.

İyulun 21-də Nasosnu küçəsində yaşayan Sevda Cəbrayılovanın evindən qızıl-zinət əşyaları oğurlamış Cöyçay rayon sakini Mirsoğlu Əliyev də iyulun 25-də Səbail RPİ 8-ci PB-nin əməkdaşları tərəfindən yaxalanıb.

İyulun 2-dən 4-dək olan müddətdə Məhsəti küçəsində yaşayan Sadiq Məlikovun mənzilindən pəncərədən keçmə yolu ilə 2000 manat dəyərində qızıl-zinət əşyaları və ov tüfəngi oğurlayan şəxslər də ələ keçirilib. Keçirilmiş əməliyyat tədbirləri nəticəsində mənzildən oğurluq etmiş Bakı şəhər sakinləri Təbriz Abdullayev və Tamerlan Məmmədov iyulun Xətai RPİ CAŞ və 34-cü PB-nin əməkdaşları tərəfindən məsuliyyətə cəlb edilib.