Bakıda qazıntıdan artilleriya mərmisi çıxdı

Lent.az-ın Fövqəladə Hallar Nazirliyinin saytına istinadən verdiyi məlumata görə, Xəzər rayonunda qazıntı işləri aparılarkən döyüş sursatının aşkarlanması barədə məlumat daxil olub.

Dərhal nazirliyin müvafiq qurumlarının mütəxəssisləri lazımi tədbirlərin görülməsi üçün hadisə yerinə cəlb edilib, aidiyyəti qurumlar məlumatlandırılıb. Nazirliyin mütəxəssisləri tərəfindən hadisə yerinə baxış keçirilərkən aşkarlanmış sursatın döyüş başlığı olmayan 1 ədəd artilleriya mərmisi olduğu müəyyən olunub. Aşkarlanmış sursat xilasedicilər tərəfindən aidiyyəti üzrə təhvil verilib. Həmçinin, xilasedicilər hüquq-mühafizə orqanlarının əməkdaşları ilə birlikdə əraziyə baxış keçirilib. Nəticədə, digər şübhəli əşya aşkar edilməyib.

Əməliyyat saat 12:38-də başa çatıb.