Bakı metrosunda intihar hadisəsi

Bakı Metropoliteninin «Dərnəgül»- «Həzi Aslanov» xəttində qatarların hərəkətində fasilə yaranıb. Sərnişinlərin APA-ya verdikləri məlumata görə, «Dərnəgül» stansiyasından «Həzi Aslanov» stansiyası xətti üzrə hərəkət edən qatar metronun «Elmlər Akademiyası» stansiyasında 20 dəqiqəyə yaxındır dayanıb. Sərnişinlərə metro bələdçiləri tərəfindən qatarın hələ bir müddət stansiyada dayanacağı barədə xəbərdarlıq olunub.

Qatarın dayanmasına səbəb kimi «Nizami» stansiyasında bir nəfərin intihar etməsi göstərilib. Bakı şəhər Baş Polis İdarəsinin Metropolitendə Polis Şöbəsindən bildirilib ki, bu gün saat 10.00 radələrində metronun “Nizami” stansiyasında intihar faktı qeydə alınıb. Adının hələ açıqlanmadığı naməlum şəxs özünü qatarın altına atıb. Hadisə yerinə təcilli tibbi yardım maşınları cəlb edilib. Qatarların hərəkəti bu səbəbdən müvəqqəti dayandırılıb. Faktla bağlı araşdırma aparılır.