Təyyarə qəzası ilə bağlı «Qaynar xətt» yaradılıb

“APA-ECONOMICS”-in məlumatına görə, «Qaynar xətt»in telefon nömrələri şirkətin saytında yerləşdirilib. Hadisə ilə bağlı vətəndaşlar (+ 994 50) 2259460 və (+ 99412) 4374757 (daxili 4031) nömrəsinə zəng edə bilərlər.

Qeyd edək ki, Azərbaycanın “Silk Way” aviasiya şirkətinə məxsus İL-76 4K-AZ 55 təyyarəsi 6 iyul 2011-ci il tarixində gecə saat 00:10 (Bakı vaxtı ilə 02:10) radələrində Baqram hava limanı yaxınlığında enməyə hazırlaşarkən təyyarə ilə rabitə ani olaraq kəsilib və radarlarda görüntüsü itib. Azərbaycan Dövlət Mülki Aviasiya Administrasiyasının yaydığı açıqlamaya görə, hava gəmisinin havada naməlum obyektlə toqquşması ehtimal olunur. “Taliban” hərəkatının nümayəndəsi Zəbibulla Mücahid isə Əfqanıstan KİV-nə açıqlamasında Azərbaycana məxsus təyyarənin “Taliban” tərəfindən vurulduğunu bildirib.

Qəza nəticəsində təyyarənin 9 ekipaj üzvünün hamısı həlak olub. Onlardan 5-ci Azərbaycan, 4-ü isə Özbəkistan vətəndaşıdır.

Hazırda qəzanın səbəblərini araşdırmaq üçün Azərbaycanda komissiya yaradılıb. Komissiyanın tərkibinə daxil edilən ekspertlər Əfqanıstana getməyə hazırlaşırlar.