Bərdədə hamam, Mingəçevirdə ticarət mərkəzi hərraca çıxarıldı

Lent.az-ın Əmlak Məsələləri Dövlət Komitəsinin rəsmi saytına istinadən verdiyi məlumata görə, İstehsal və Xidmət Müəssisələrinin İdarəetmə Mərkəzinə tabe olan və Mingəçevir şəhəri, H.Aslanov küçəsi, 2. ünvanında yerləşən Təminatlı Ticarət Mərkəzinin sahəsi 375,8 kvadratmetrdir.

Təminatlı Ticarət Mərkəzinin start satış qiyməti 11 min 26 manat, ilkin satış qiyməti 9 min 372 manatdır.

Bərdə Rayon İcra Hakimiyyəti, Bərdə şəhər Kommunal Müəssisələri Kombinatının nəzdində olan və Bərdə şəhəri, Təbriz küçəsində yerləşən 3 saylı hamamın sahəsi 566,9 kvadratmetr, start satış qiyməti 17 min 58 manat, ilkin satış qiyməti 14 min 499 manatdır.

İstehsal və Xidmət Müəssisələrinin İdarəetmə Mərkəzinin tabeçiliyində olan və Masallı şəhərində yerləşən 25 saylı çörəkbişirmə müəssisəsinin start satış qiyməti 2 min 520 manat, ilkin satış qiyməti 2 min 142 manatdır.

Hərrac Bakı şəhərində Hərracların Təşkili üzrə Auksion Mərkəzi tərəfindən keçiriləcək.