Məktəbli “KamAZ”-ın altında qalıb öldü
31 may 2011 11:39 (UTC +04:00)

Məktəbli “KamAZ”-ın altında qalıb öldü

Baş Dövlət Yol Polisi İdarəsinin (BDYPİ) istintaq və təhqiqat şöbəsinin müstəntiqi Mahmud Maqsudov APA-nın Şirvan bürosuna bildirib ki, hadisə dünən axşam saatlarında yolun 180-ci kilometrliyində, Kürdəmirin Ərşəlli kəndi ərazisində qeydə alınıb.


Ağcabədi şəhər sakini, 1956-cı il təvəllüdlü Hüseynov Eyvaz Mürşüd oğlu idarə etdiyi 90 BF 554 dövlət nömrə nişanlı, “KamAZ” markalı yük maşını ilə yolu keçən piyadanı - Ərşəlli kənd məktəbinin 6-cı sinif şagirdi, 1999-cu il təvəllüdlü Rzayev İmaməli Zeynal oğlunu vurub. İ. Rzayev hadisə yerində dünyasını dəyişib.

Faktla bağlı BDYPİ-nin istintaq və təhqiqat şöbəsi tərəfindən cinayət işi açılıb, araşdırma aparılır.
# 506

Oxşar yazılar