Cəlilabad RHK-da yoxlama aparıldığı təsdiqləndi

Ş.Xasıyev APA-ya açıqlamasında komissarlıqda yoxlamalar aparıldığını təsdiqləsə də, bu barədə əlavə məlumat verməyib: “Bu hər yerdə olan yoxlamalardı. Lakin bu o demək deyil ki, hər yoxlananı tuturlar. Aparılan yoxlamalar barədə heç nə deyə bilmərəm, buna ixtiyarım yoxdur. Bu barədə məlumat vermək Müdafiə Nazirliyinin mətbuat xidmətinin səlahiyyətində olan məsələdir. Yoxlamaların nəticəsi ilə bağlı isə mən ifadə verməmişəm”.

Qeyd edək ki, APA ötən gün Respublika Hərbi Prokurorluğu tərəfində Cəlilabad Rayon Hərbi Komissarlığında yoxlamalar aparılması barədə məlumat yayıb. Məlumata görə, Respublika Hərbi Prokurorluğunun əməkdaşlarının apardığı yoxlamalar bir aya yaxındır, davam edir. Yoxlamalar zamanı komissarlıqda ciddi korrupsiya faktları aşkarlanıb.

Xatırladaq ki, bir müddət əvvəl Bakının Binəqədi, Suraxanı rayonlarının və Sumqayıt şəhərinin hərbi komissarları da korrupsiya faktı ilə bağlı həbs ediliblər.

Məsələyə Müdafiə Nazirliyinin mətbuat xidmətindən münasibət öyrənmək mümkün olmayıb.