Bir ailənin 4 üzvü qəzada yaralandı
25 mart 2011 10:55 (UTC +04:00)

Bir ailənin 4 üzvü qəzada yaralandı

Martın 24-də Bakıda 4 nəfərin xəsarət alması ilə nəticələnən yol qəzası baş verib. Xətai rayon Polis İdarəsindən Lent.az-a verilən məlumata görə, Nobel prospekti 141 saylı binanın qarşısında 01 BC 327 nömrə nişanlı “VAZ 2106” yolun ortasındakı eletrik dirəyinə çırpılıb.


Nəticədə avtomobilin sürücüsü 1986-cı il təvəllüdlü Əlizadə Tərlan, sərnişinlər 1989-cu il təvəllüdlü İsmayılova Fəxriyyə, onun 1 yaşlı qızı Əlizadə Nazlı və 1960-cı il təvəllüdlü Atakişiyeva Rəhilə müxtəlif bədən xəsarətləri alıblar. Yaralılar xəstəxanaya yerləşdirilib.

Qeyd edək ki, qəzaya düşən şəxslər bir ailənin üzvləridir.

Faktla bağlı araşdırma başlanılıb.
# 368

Oxşar yazılar