Fərda Qədirov: “Polisə təslim olmayacağam, öldürməkdən həzz alacağam”

16 yaşadək uşaqların baxması məsləhət görülmür

Mayın 15-də Azərbaycan Baş Prokurorluğu və Daxili işlər Nazirliyi bu il aprelin 30-da silahlı şəxs tərəfindən Dövlət Neft Akademiyasında törədilmiş qanlı hadisə barədə növbəti rəsmi məlumat yaydılar.

Həmin məlumatda bildirilirdi ki, cinayəti törətmiş Fərda Qədirovun Daştəpə kəndində yaşadığı evdə aparılmış axtarış zamanı tapılmış telefonunda “Mənim üçün məhəbbət yoxdur, yalnız nifrət var, Bakıya gəlirəm, qarşıma kim çıxsa yaşına baxmadan bax belə vuracağam, polisə təslim olmayacağam, öldürməkdən həzz alacağam” deməsini, canavar maskası taxmasını və tapançadan atəş açmasını nümayiş etdirən videogörüntülər aşkar edilərək götürülüb.

Həmin videogörüntülər mayın 15-də rəsmi məlumatın müşayiətində AzTV-də yayımlanıb. Yayımlanan kadrlardan bir hissəni Lent.az-ın oxucularına təqdim edirik. Lütfən, 16 yaşadək uşaqların baxmamasını təmin edin.