Bu gün “Eurovision-2009”un final konsertidir

“Eurovision-2009” müsabiqəsinin finalı “Olimpiyskiy” idman kompleksində baş tutacaq. Lent.az-ın məlumatına görə, ilk olaraq litvalı müğənni Saşa Son “Love” kompozisiyası ilə çıxış edəcək. İsraili təmsil edən ifaçılar Noa və Mira Avad dueti (“There Must Be Another Way”) ikinci çıxış edəcək. Fransalı müğəni Patrisiya Kaas (“Et Sil Fallait Le Faire”) üçüncü səhnəyə çıxacaq. İsveç opera müğənnisi Malena Ernmana (“La Voix”) dördüncülük nəsib olub. İsveçin ardınca xorvat dueti İqor Sukrov i Andrea (“Lijepa Tena”), portuqaliyalı qrup “Flor-de-lis” (“Todas As Ruas Do Amor”) isə altıncı sırada nömrə nümayiş etdirəcək.

Müsabiqənin ən gənc iştirakçısı islandiyalı Yohanna (“Is It True?”) yeddinci çıxış edəcək. Favoritlərdən sayılan yunan ifaçı Sakis Ruvas (“This Is Our Night”) səkkinci çıxış edəcək. Erməni bacılar İnqa və Anuş “Can-Can” mahnısı ilə doqquzuncu, rus təmsilçi Anastasiya Prixodko onuncu olacaq.

Ölkəmizin təmsilçiləri Aysel Teymurzadə və Araş (Always) 11-ci, Bosniya və Hersoqovinanın qrupu “Regina” (“Bistra Voda”) 12-ci, Moldovalı Nelli Çobanu (“Hora din” 13-cü, Maltalı Kyara (“What If We”) - 14-cü, eston qrupu “Urban Symphony” (“Randajad”)- 15-c, danimarkalı Nils Brink (“Believe Again”) 16-cı, alman dueti Alex Swings, Oscar Sings “Miss Kiss Kiss Bang” mahnısı ilə 17-ci olacaq.

18-ci nömrə altında Hadisə (“Düm Tek Tek”), 19-cu təmsilçi Alban Keysi Tola (“Carry me in your dreams) səhnəyə çıxacaq. Ən vacib, birincilik namizədlərindən biri hesab olunan norveç müğənnisi Aleksandr Rıbak (“Fairytale”) “Olimpiyskiy” stadionunda iyiriminci çıxışı tamamlayacaq. Növbəti sıranı Svetlana Loboda (“Be my Valentine ili Anti-crisis girl”) davam etdirəcək.

Rumın Elena (“The Balkan Girls”) 22-ci, Böyük Britaniyalı Ceyd “Its My Time”la 23-cü, fin dueti “Waldos People” (“Lose Control”) , son çıxışla isə ispan Soraya Arnelas (“La noche es para mi”) 25-ci olacaq.

Qeyd edək ki, ki, yeni səsverməyə görə, bu il bir finalçını tamaşaçı və hər ölkənin professional münsif heyəti seçəcək. Tamaşaçı və münsiflərin səs hüququ əlli-əlliyədir.

Lalə Yusifqızı