Ov meydanında bakılı qonaqları güllələdilər - TƏFƏRRÜAT
27 dekabr 2010 11:19 (UTC +04:00)

Ov meydanında bakılı qonaqları güllələdilər - TƏFƏRRÜAT

Rayonun hüquq-mühafizə orqanlarından Lent.az-a verilən məlumata görə, öldürülən Adil Ayətullayev 20 ildən çox imiş ki, Qubalı-Baloğlan kəndinə qonaq gəlirmiş.

Belə ki, A.Ayətullayev hadisəni törədən 30 yaşlı Qabil Atakişiyevin böyük qardaşının tələbə yoldaşı olub. O, ildə bir neçə dəfə tələbə yoldaşı gilə qonaq gəlirmiş. Bu dəfə isə A.Ayətullayev digər bir dostunu - İ.İdrisovu da götürərək ov üçün Bakıdan Hacıqabula yollanıb.

Rayonun Qubalı-Baloğlan kəndinə çatandan sonra onlara tələbə yoldaşı və onun kiçik qardaşı da qoşulub.

Bir müddət keçəndən sonra qardaşlarla bakılı qonaqlar arasında münaqişə yaranıb. Səbəb hələlik tam aydın olmasa da, mübahisənin “şəhərli-kəndli” söhbəti üstündə düşdüyü ehtimal olunur. Bu zaman 30 yaşlı Qabil tüfənglə A.Ayətullayevi güllələyib. Öldürüləcəyini görən İ.İdrisov isə qaçıb. Q.Atakişiyev ona atəş açsa da, güllə bakılı qonağın boynundan dəyib və ölümcül olmayıb.

Faktla bağlı Hacıqabul rayon prokurorluğunda cinayət işi başlanılıb. Q.Atakişiyev saxlanılıb.

Nizam Rza
# 386

Oxşar yazılar