Günün tarixi
23 noyabr 2010 00:20 (UTC +04:00)

Günün tarixi

1852. İngiltərədə ilk dəfə poçt qutuları quraşdırılıb

1919. Azərbaycan və Ermənistan hökumətlərinin rəhbərləri Tiflisdə görüşüb. Onlar bütün ziddiyyətli məsələləri sülh konfransında həll etməyi qərara alıb. Görüşdən sonra Azərbaycan ordusu Zəngəzurdan geri çağırılıb

1921. ABŞ-da xəstələrə dərman olaraq pivə içirtmək qadağan edilib

1923. Almaniyada Kommunist Partiyası qadağan edilib

1929. Ümumittifaq Kommunist Partiyası Zaqafqaziya ölkə Komitəsi kollektivləşməni sürətləndirmək barədə qərar verib.

1935. Sovet kosmonavtı Vladimir Volkov anadan olub

1936. ABŞ-da ilk dəfə neon lampası sınaqdan keçirilib

1946 . Şah qoşunu Təbrizdə fədailər üzərinə hücuma keçib

1948. Bəstəkar Üzeyir Hacıbəyov vəfat edib

1957. Sovet dissidenti Boris Pasternakın “Doktor Jivaqo” romanı İtaliyada nəşr edilib. Bir il sonra roman Nobel mükafatına layiq görülüb. Yazıçının öz vətənində isə roman 1988-də nəşr olunub

1980. İtaliyada zəlzələ 5000-ə qədər insanın həyatına son qoyub

1982. Heydər Əliyev Sov. İKP MK siyasi Bürosunun üzvü seçilməklə, SSRİ Nazirlər Soveti sədrinin birinci müavini təyin edilib

1987. BMT İkinci Dünya müharibəsi canilərinə dair sənədlərin üzərindən məxfilik qrifini götürüb. Bununla da, tarixçilər zəngin mənbə ediblər

1993. Azərbaycan Respublikası Slovakiya ilə diplomatik əlaqələr qurub

1994. Azərbaycan Respublikası Nikaraqua ilə diplomatik əlaqələr qurub

1996. Terrorçular Efiopiya Hava Yollarına məxsus təyyarəni qaçırıb. Lakin yanacağı qurtaran təyyarənin Hind okeanına düşməsi nəticəsində 123 nəfər həlak olub

1999. Aktrisa Leyla Bədirbəyli vəfat edib

2003. Seçiləndən 3 həftə sonra Gürcüstan Prezidenti Eduard Şevardnadze müxalifət liderləri ilə növbəti danışıqlardan sonra istefa verib. Bu tarix Gürcüstanda “Məxməri inqilab”ın ildönümü kimi qeyd edilir

2008. Roma papası 16-cı Benedikt Vatikandakı Müqəddəs Pyotr meydanında Ukrayna və SSRİ-nin digər rayonlarında aclıqdan ölənlərin ruhuna dua edib. Bu tarix Ukraynada “Qolodomor” qurbanlarının anım günü kimi qeyd edilir.

23. Avropa Şurasının Aqo qrupu Bakıya gəlib

Günün aforizmi

“Bəstəkarlar öz əsərlərini yaradarkən, unutmamalıdırlar ki, bizim yaradıcılığımızı xalq qiymətləndirir. Çünki xalq yalnız yaradıcı, yalnız bəstəkar deyildir; xalq eyni zamanda misilsiz tənqidçi və musiqi əsərlərinin ən yaxşı “istehlakçısıdır”, xalq musiqi əsərlərinə diqqətlə yanaşır, yaxşını pisdən seçir”.

Üzeyir Hacıbəyov
# 455

Oxşar yazılar