Lənkəranda “Ford” piyadanı vurub öldürdü

Daxili İşlər Nazirliyinin (DİN) Baş Dövlət Yol Polisi İdarəsinin (BDYPİ) istintaq və təhqiqat şöbəsinin müstəntiqi Bəyəmir Cahangirovun APA-nın Сənub bürosuna verdiyi məlumata görə, hadisə noyabrın 14-də saat 19.40 radələrində Ələt-Astara magistralının 190-cı kilometrliyində - Lənkəran rayonunun Liman şəhəri ərazisində qeydə alınıb.

Salyan şəhər sakini, 1964-cü il təvəllüdlü Faiq Əli oğlu Qurbanlı idarə etdiyi “Ford Transit” markalı, 90 XP 434 dövlət nömrə nişanlı yük maşını ilə Ələt istiqamətində hərəkətdə edərkən yolu keçmək istəyən piyada, Lənkəran rayonunun Siyobili kənd sakini, 1977-ci il təvəllüdlü, Səyyad Mənsim oğlu Mirzəyevi vurub. Piyada aldığı xəsarətlərdən hadisə yerindəcə keçinib.Faktla bağlı Azərbaycan Respublikasının Cinayət Məcəlləsinin 263.2 maddəsi ilə cinayət işi açılıb, araşdırma aparılır.