Qəzada yaralanan 22 yaşlı gənc dünyasını dəyişdi

Ötən gün Quba-Xaçmaz yolunun 6-cı km-də, Zərdabi kəndi ərazisində baş verən yol qəzasında xəsarət alan 22 yaşlı Qusar rayon Yeni Həyat kənd sakini Ravid Babayev dünyasını dəyişib. Həkimlərin səyinə baxmayaraq, onun həyatını xilas etmək mümkün olmayıb.

Qeyd edək ki, qəza noyabrın 8-də saat 21:30 radələrində Quba-Xaçmaz yolunun 6-cı km-də, Zərdabi kəndi ərazisində ağır yol qəzası baş verib. Qusar rayon sakini, 21 yaşlı Şamil Gərəyxanov idarə etdiyi etdiyi 90 XX 594 dövlət nömrə nişanlı, “Vaz 21114” markalı avtomaşınla idarəetməni itirərək, yolun kənarındakı ağaca çırpılıb. Avtomaşının zərbəsindən yolun kənarındakı iki çinar ağacı yerindən qopub. Sürücü, 21 yaşlı Şamil Gərəyxanov və sərnişin Sumqayıt şəhər sakini 22 yaşlı Roman İsayevin vəziyyətinin normal olduğu bildirilir.

Faktla bağlı Quba RPŞ- də ARCM-nin 263.2-ci maddəsi ilə cinayət işi başlanıb, araşdırmalar davam etdirilir.

Vəli Turan