Yaxınlarının evindən televizor oğurlayan qadın tutulub

Oktyabrın 31-də Bakının Nərimanov rayonunda baş vermiş cinayət hadisəsinin üstü açılıb. Rayon sakini Aygül Babayevanın mənzilindən oğurluq edən şəxs yaxalanıb.

Nərimanov rayon polis idarəsindən Lent.az-a verilən xəbərə görə, həmin gün ərizə ilə polisə məlumat verən Babayeva vaxtaşırı olaraq mənzilindən əşyalarının naməlum şəraitdə itdiyini bildirib.

Qadının sözlərinə görə, sonuncu dəfə evdə televizorun yoxa çıxması onu çox məyus edib. Polisə müraciət etməsinin səbəbi də elə bu olub.

İstintaq araşdırmaları nəticəsində məlum olub ki, mənzildən oğurluq edən şəxs ailəyə yaxın adam imiş.

Saxlanılan Yaqut Mustafayeva polisə verdiyi ifadəsində maddi imkansızlığı bəhanə gətirərək, etibardan sui-istifadə etdiyini etiraf edib.

Faktla bağlı araşdırmalar gedir .

Natiq Qədimov