İt dişləyən Zərdab sakini Bakıda vəfat edib

Zərdab Mərkəzi Rayon Xəstəxanasından (MRX) APA-ya verilən məlumata görə, bu ayın əvvəlində bir neçə Zərdab sakininə küçə itlərindən biri hücum çəkərək bədənlərinin müxtəlif nahiyələrindən dişləməklə xəsarət yetirib. Dərhal həmin xəstələr MRX-ya gətirilərək quduzluğa qarşı vaksinasiya olunub.

Onlardan daha ağır vəziyyətdə olan Zərdab şəhər sakini, 70 yaşlı Ədəb Bayram qızı Qurbanova MRX-da müalicə alsa da, vəziyyətinin yaxşı olmadığını görən yaxınları onu Bakıdakı xəstəxanaların birinə yerləşdirib. Lakin dünən o, Bakıda vəfat edib və Zərdaba aparılaraq orada dəfn olunub.

İnsanlara xəsarət yetirən it isə öldürülərək analiz edilmək üçün Bakı şəhərinə göndərilib. Bəzi məlumatlara görə, itin quduz olduğu müəyyənləşib. Amma Zərdab rayon Baytarlıq İdarəsinin rəhbərliyi bu haqda məlumat verməkdən imtina edib.