Zaporojyedə gürcü azərbaycanlıları güllələyib

Sentyabrın 16-də səhər tezdən Ukraynanın Zaporojye şəhərindəki Qapalı bazarda qafqazlılar arasında ciddi insident olub. Lent.az-ın “ReportyorUA”ya istinadən verdiyi məlumata görə, gürcü millətindən olan şəxs azərbaycanlılara atəş açıb.

Hüquq-mühafizə orqanlarındakı mənbə agentliyə açıqlamasında atəş açan şəxsin tutulduğunu və hazırda onun Orconikidze milis şöbəsində saxlanıldığını bildirib. İlkin məlumata görə, qafqazlılar ət üstündə dava ediblər.

Mənbə gürcü millətindən olan şəxsin iki azərbaycanlıya travmatik tapançadan atəş açdığını deyib: “Yoldan keçənlərdən heç kim yaralanmayıb. Olay zamanı ancaq insident iştirakçılarının özləri zərər çəkiblər”.

Zaporojye şəhər 5 nömrəli xəstəxanasının baş həkiminin müavini isə azərbaycanlıların xəstəxanaya aparıldıqlarını vurğulayıb: “Onların vəziyyəti qənaətbəxşdir”.