Azərbaycanda Ermənistana casusluq edən 10 nəfər məsuliyyətə cəlb olunub

Onlardan 9-u hərbçi, biri mülki şəxs olub
Milli Təhlükəsizlik Nazirliyi tərəfindən ötən il Ermənistan xüsusi xidmət orqanlarının tapşırığı ilə Azərbaycan ərazisində kəşfiyyat-agentura fəaliyyəti ilə məşğul olan 10 nəfər barəsində cinayət işi açılıb, - Trend News-un məlumatına görə, bu barədə hökumətin ötən ilin yekunları ilə bağlı Milli Məclisə təqdim etdiyi hesabatda qeyd olunub.
Hesabatda qeyd olunub ki, onlardan 9-u hərbçi, biri isə mülki şəxs olub. Həmin şəxslər barəsində dövlətə xəyanət maddəsi ilə cinayət işi açılıb və məhkəmənin hökmü ilə müxtəlif müddətlərə azadlıqdan məhrum ediliblər.
Həmçinin, Ermənistan xüsusi xidmət orqanları ilə əməkdaşlığa görə, əvvəllər həbs olunaraq azadlıqdan məhrum edilmiş hərbi qulluqçular ətrafında davam edən əməliyyat-axtarış tədbirləri nəticəsində 10 nəfər hərbi qulluqçu müxtəlif müddətlərə azadlıqdan məhrum edilib.