Akademik Fuad Qasımzadə vəfat etdi

Bakı Dövlət Universitetinin prorektoru, filosof-alim, əməkdar elm xadimi, akademik Fuad Qasımzadə bu gün dünyasını dəyişib.

F. Qasımzadə BDU-nun 1988-ci ildən müstəqil kafedra kimi fəaliyyət göstərən təbiət fakültələri üzrə fəlsəfə kafedrasının rəhbərlik edib. Bakı Dövlət Universitetindən APA-ya verilən məlumata görə, mərhum bir necə aydır, xəstə olub. Sabah 16.00-da BDU-da mərhumla vida mərasimi keçiriləcək.

F. Qasımzadə 1929-cu il oktyabrın 22-də Bakı şəhərində anadan olub. 1947-ci ildə 1 saylı Bakı şəhər orta məktəbi bitirib. 1947-1952-ci illərdə BDU-nun fəlsəfə fakültəsində təhsil alıb. 1955-ci ildə fəlsəfə elmləri namizədi, 1966-cı ildə fəlsəfə elmləri doktoru adını alıb. F. Qasımzadə 15 kitabın müəllifidir, Azərbaycan fəlsəfə ictimai fikri, sosial fəlsəfə, ontologiya və idrak nəzəriyyəsi, estetika sahələri üzrə seçilmiş əsərləri, 500-dən çox elmi əsəri var.