Hacıqabulun Talış kəndində birinci qoruyucu bənd yarılıb

Kür çayı Hacıqabul rayonunun Talış kəndi istiqamətində birinci qoruyucu bəndi yarıb.

APA-nın Mil-Muğan bürosunun xəbərinə görə, bu, gecə saatlarında baş verib. Əraziyə cəlb olunan çoxsaylı texnika və canlı qüvvə bənd bərkitmə işləri aparır.

Qeyd edək ki, Bakını su ilə təchiz edən əsas kəmər həmin kənddən keçir. Ancaq Kürün bəndi yarmasının su kəməri üçün təhlükəsi yoxdur.