“Yeni su basmış əraziləri əvvəlki kimi təhlükə gözləmir”

Fövqəladə hallar naziri Kəmaləddin Heydərov subasmanın qarşısını almaq üçün hər cür tədbirlər görüldüyünü söyləyib

“Yeni su basmış əraziləri əvvəlki kimi təhlükə gözləmir”. Lent.az-ın əməkdaşının Sabirabaddan verdiyi məlumata görə, bu barədə jurnalistlərə açıqlamasında fövqəladə hallar naziri Kəmaləddin Heydərov bildirib.

Kəmaləddin Heydərov subasmanın qarşısını almaq üçün hər cür tədbirlər görüldüyünü söyləyib. Nazirin fikrincə, daşqınların baş vermə səbəbi ölkə ərazisinə çoxlu yağışların yağması ilə dağlardakı qarın əriməsinin eyni vaxta düşməsidir.

Fövqəladə hallar naziri sel sularının get-gedə azalacağını bildirib. Nazir həmçinin bildirib ki, rayonlarda suvarma dövrünün başlaması ilə çayların suyundan istifadə artacaq, bu isə çaylarda suyun səviyyəsinin aşağı düşməsinə yardım edəcək.

Pərvin Abbasov