Göygöldə 32 məcburi köçkünün evi su altında qaldı

Ölən və ya yaralanan olmasa da, yüzlərlə mal qara tələf olub

Göygöldə sel fəlakət yaradıb. Sel nəticəsində Gəncə-Hacıkənd yolu bağlanıb, 32 məcburi köçkün ailəsinin məskunlaşdığı “Dostluq düşərgəsi” deyilən ərazi tamamilə su altında qalıb.

Yüzlərlə mal-qara tələf olub, 10-a yaxın avtomobil də suyun altında qalıb. Xoşbəxtlikdən insan tələfatı yoxdur. Dağ suları Sarıyalı adlanan dağı uçurub, yarım tona yaxın daş parçalarını özü ilə gətirib. Dağ sularının əraziyə axını davam edir. Fövqəladə Hallar Nazirliyinin nümayəndələri, Göygöl və Kəlbəcər rayon İcra Hakimiyyəti rəsmiləri ərazidədir. Göygöl rayon İcra Hakimiyyəti başçısının müavini Turani Əliyevin Lent.az-ın Gəncəbasar müxbirin verdiyi məlumata görə, ərazidəki fəsadlara aradan qaldırmaq üçün ən azı bir ay lazımdır.

Vüsalə Cənnətova