UQXK-dən APA-ya verilən məlumata görə, bununla bağlı təşkil olunan konfransda Gürcüstanın Ukraynadakı səfirinin müavini Georgi Zakaraşvili, Kiyev Radasının deputatı, Gürcüstan Diasporunun rəhbəri Georgiy Meparişvili-Xviça, Ukrayna Çeçen Xalqı Cəmiyyətinin sədri Salman Sadayev, Ukrayna Millətlər Assambleyasının vitse prezidenti, Ukrayna Yahudilər Fondunun sədri Arkadiy Monastırskiy , “OKO Maydanu ” Siyasi Birliyinin sədri Timur Farziyilov, Kirovograd Qavqaz xalqları icmasının sədri Qoça Mdzinaraşvili, Birləşmiş Ukrayna Azərbaycanlıları Konqresinin üzvləri və bir sıra kürd, osetin, ləzgi və dag yəhudi icmalarının rəhbərləri toplaşıblar .
Konfransda çıxış edən Paşa İlisuyski (Məmmədov) Ukraynada yaşayan etnik xalqlar üçün heç bir milli ayrıseçkiliyin olmamasını qeyd edərək bunu vacib amil sayıb. O son vaxtlar xarici təzyiqlər nəticəsində baş qaldıran separatizm və millətçilik meyllərinə qarşı bu ölkədə yaşayan qafqazlıların birləşməsini vacib sayıb. “Biz mütləq burada yaşayan xalqlar olaraq milli barışığı sübut etməliyik və birgə bir cəbhədən çıxış etməliyik”, deyə o təkliflə çıxış edib.
Konfransda iştirak edən qafqazlı diaspor nümayəndələri bu təklifi dəstəkləyiblər. Daha sonra UQXK – nin vitse prezidenti, əslən Qafqazdan olan Roman Makarenkonun Kiyev Radasına namizədliyi irəli sürülüb və iştirak edən xalqlar nümayəndələri tərəfindən dəstəklənib.
Bununla yanaşı konfransda qərara alınıb ki gələcəkdə Ukraynada baş tutacaq bütün siyasi proseslərdə və seçkilərdə birgə mövqedən çıxış etməsinin təşkil olunması UQXK - nin rəhbəri Paşa İlisuyskiyə (Məmmədov) həvalə olundu.
Sonra Rusiya və Gürcüstan səfirliklərinin konfrans iştirakçılarına dəstək müraciətləri səsləndirilib.
Sonda Ukraynada baş verən gərginliklə bağlı birgə müraciət səsləndirilib və ölkənin ərazi bütövlüyünün pozulmasının, eyni zamanda milli ayrıseçkiliyin yolverilməz olduğu qətiyyətlə bildirilib.