Saakaşvili yeni ili Əfqanıstanda keçirəcək

Gürcüstan prezidenti Mixail Saakaşvili Yeni il axşamını Əfqanıstanda beynəlxalq sülhməramlı missiyasında iştirak edən gürcü hərbçilərlə keçirəcək.

Lent.az-ın “apsny.ge” saytına istinadən verdiyi məlumata görə, Mixail Saakaşvili yeni il axşamı Hilmənd əyalətində yerləşən hərbi bazada olacaq, gürcü hərbçiləri şəxsən təbrik edəcək.

Bu, Mixail Saakaşvilinin Əfqanıstandakı gürcü hərbçilərlə ikinci görüşü olacaq. O, ilk dəfə 2012-ci ilin fevralında Əfqanıstanda olub. Mixail Saakaşvili həmin vaxt zirehli texnikada patrul xidmətində də iştirak edib.