Rusiyada azərbaycanlı narkobanda ələ keçdi

Narkotik Vasitələrə Nəzarət üzrə Rusiya Federal Xidməti 5 nəfərdən ibarət mütəşəkkil cinayətkar dəstənin üzvləri ilə bağlı araşdırmanı başa çatdırıb.

Lent.az-ın Rusiya mətbuatına istinadən verdiyi məlumata görə, cinayətkar dəstənin üzvlərinin hamısı Azərbaycan vətəndaşlarıdır.

Narkotacirləri saxlamaq üçün uzun müddət operativ əməliyyat aparmaq lazım gəlib. Cinayətkar dəstənin üzvləri daim mehmanxanadan mehmanxanaya gedib, mənzil kirayələyib, telefonlarını dəyişib, maşın icarəyə götürüblər. Onlar heroini çox gizli yerlərdə, sıx əlaqələri olan şəxslərə satıblar. Ona görə də bu şəxsləri saxlamaq çox çətin olub.

Bütün çətinliklərə baxmayaraq, əməliyyat nəticəsində cinayətkar dəstənin üzvlərindən 4-ü saxlanılıb, dəstənin rəhbəri isə hələ axtarışdadır. Əməliyyat zamanı gizli saxlanclarda ıə mehmanxana nömrələrində 500 qramdan çox heroin tapılıb. Cinayətkar dəstə ölkə sərhədlərindən kənarda yaşayan şəxsləri də bu işə cəlb edib, eyni zamandan bizneslərini xaricdən idarə ediblər.