Mursi Yuxarı palatanı formalaşdırdı

Misir prezidenti özəl fərmanla Məsləhət Şurasının (Misir parlamentinin Yuxarı Palatasını) 90 yeni üzvünü təyin edib.

Lent.az-ın «RİA-Novosti»-yə istinadən məlumatına görə, bununla da yeganə seçkili orqanın formalaşdırılmasını başa çatdırıb.

Quruma 17 siyasi təşkilatın təmsilçiləri, o cümlədən 12–si parlamentə düşməyənlərin, 12 –xristian kopt kilsəsinin, 8-i qadın təşkilatının, 18-i islam dini institutlarının, onların beşi «Əl-Əzhər» Universitetinin din xadimləri daxildir. Onlardan başqa çeşidli həmkarlar təşkilatı, ali təhsil ocaqları, hakimlər, prokurorluq orqanlarının əməkdaşları, idmançılar, Sinayın yerli sakinlər və Şərqi Səhranın nümayəndələri də məsləhət şurasında təmsil olunacaq.

Yeni qanunvericiliyə əsasən bu şura 270 nəfərdən təşkil olunur. Onların 3-də ikisi birbaşa yolla seçilir, 3-də biri isə prezident tərəfindən təyin edilir. 180 nəfərin seçkisi bu ilin əvvəlində keçirilib. «Müsəlman qardaşları» bu siyasi kampaniyada üstünlük təşkil edərək, qalib gəlib.