Misirdə “quş qripi”ndən ölənlərin sayı 7 nəfərə çatdı

Misirdə “quş qripi”ndən daha bir nəfər ölüb.

APA-nın məlumatına görə, bu barədə Misirin səhiyyə nazirliyindən bildirilib.

26 yaşlı kişi Minya əyalətində virusa yoluxaraq vəfat edib. Beləliklə, ölkədə “quş qripi”ndən ölənlərin sayı 7 nəfərə çatıb. Ötən həftə ölkədə 3 nəfər H5N1 virusunun qurbanı olub. Belə ki, Minya əyalətində 40 yaşlı kişi və 29 yaşlı qadın, Beni-Suef şəhərində isə 25 yaşlı qadın “quş qripi”ndən ölüb.