Ermənistanın “Təsisedici parlament” təşkilatının üzvlərinin həbsinə etiraz olaraq bu gün İrəvanda etiraz aksiyası keçirilib.
APA-nın Ermənistan mətbuatına istinadən verdiyi xəbərə görə, aksiyada iştirak edənlər həbslər üçün heç bir səbəbin olmadığını bildirib, həbs olunanlara azadlıq tələb ediblər. Bundan başqa hakimiyyətin fərqli fikirdə olanlardan qorxduğunu diqqətə çatdırıblar. Bəyan edilib ki, “Təsisedici parlament”in 24 apreldə keçirmək istədiyi aksiya qüvvədə qalır.
Xatırladaq ki, Ermənistan xüsusi istintaq komitəsi həbs olunanları aprelin 24-də “erməni soyqırımının ildönümü” ilə əlaqədar planlaşdırılan tədbirlərdə iğtişaş törətməyi planlaşdırmaqda günahlandırır. Saxlanılanlar silah, döyüş sursatları və partlayıcı maddələrin qanunsuz saxlanılmasında da ittiham edilir.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
