Dünyanın ən məşhur simaları belə maliyyə problemlərindən sığortalanmayıb. Hollivud ulduzları, reperlər və idman əfsanələri arasında vaxtilə milyonlarla dollar qazandığı halda, yanlış xərclər, borclar və uğursuz maliyyə qərarları səbəbindən müflis olmaq həddinə çatanlar az deyil.
Lent.az xarici mediaya istinadən maliyyə böhranı yaşayan məşhurların siyahısını təqdim edir.
Aktyor Nikolas Keyc uzun illər ərzində lüks həyat tərzinə böyük pullar xərcləyib. Bahalı daşınmaz əmlak, nadir əşyalar və digər sərvətlərə yatırdığı milyonlar nəticəsində aktyor ciddi borclarla üzləşib. Müflislik həddinə çatan Keyc sonradan ardıcıl film layihələrində çəkilərək borclarını ödəməyə başlayıb.
Reper 50 Cent isə 2015-ci ildə rəsmi olaraq müflislik proseduruna müraciət edib. Lakin iki il ərzində borclarını ödəyərək maliyyə vəziyyətini yenidən düzəldə bilib.
1990-cı illərin məşhur simalarından Pamela Anderson 2008-ci ildə ciddi maliyyə çətinliyi ilə üzləşib. Aktrisa vəziyyətdən çıxmaq üçün daşınmaz əmlakının bir hissəsini satıb və yenidən fəal işləməyə başlayıb.
Boks əfsanəsi Mayk Tayson isə 2003-cü ildə özünü müflis elan edib. Karyerası ərzində böyük sərvət qazanan idmançının maliyyə çöküşünün əsas səbəblərindən biri həddindən artıq dəbdəbəli həyat tərzi olub. Sonradan Tayson biznes, media və müxtəlif kommersiya layihələri vasitəsilə maliyyə vəziyyətini bərpa etməyə çalışıb.
Aktrisa Kim Beysinger də 1990-cı illərdə maliyyə problemləri ilə üzləşib və müflislik proseduruna müraciət edib. Bir müddət ictimai həyatdan uzaq qalan aktrisa daha sonra kinoya qayıdıb və uğurlu layihələrdə çəkilib.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
