İraqda 53 nəfərin meyiti tapılıb. APA-nın “France-Presse” agentliyinə istinadən verdiyi məlumata görə, onlardan çoxunun gözləri və əlləri bağlı olub. Hazırda meyitlərin şəxsiyyətləri və ölüm səbəbləri müəyyənləşdirilir.
Meyitlər Bağdaddan 95 kilometr aralıda, Babil vilayətində yerləşən şiə şəhəri Hillənin cənub-şərqində aşkarlanıb. İlkin təhqiqat nəticəsində məlum olub ki, kütləvi qətl hadisəsi bir həftə əvvəl baş verib.