İran Hörmüzdə hərbi manevr keçirəcək

İran İslam Respublikası dekabrın 28-dən ölkənin cənub sahillərində hərbi təlimlər keçirməyə başlayacaq.

Lent.az-ın «RİA-Novosti»-yə istinadən məlumatına görə, Hərbi Dəniz Donanmasının baş komandanı, kontr-admiral Həbibulla Səyyari bildirib ki, «Vilayət-91» adı altında keçiriləcək bu hərbi tədbir 6 gün davam edəcək.

Hərbi manevr Hörmüz boğazında bir milyon kvadrat kilometrlik sahədə, Oman boğazı və Hind okeanının şimal hissəsində keçiriləcək.

Mənbənin xatırlamasına əsasən, ötən ilin dekabrında «Vilayət-90» adı altında keçirilmiş hərbi təlimlər zamanı İran uzaq mənzilli raketlərini sınaqdan çıxarmışdı.