“Taliban” silahlılarının Əfqanıstanın şimalındakı Bəlx əyalətindəki hərbi bazaya hücumu nəticəsində ölkə ordusunun azı 140 əsgəri həlak olub.
APA-nın “Reuters”ə istinadən verdiyi məlumata görə, hərbi forma geymiş talibançılar aprelin 21-də cümə namazından sonra Məzari-Şərif şəhəri yaxınlığındakı hərbi hissəyə daxil olublar. Əvvəlcə kamikadze qapının ağzında özünü partladıb, sonra silahlılar iki pikapla hərbi hissəyə girərək atəş açmağa başlayıblar.
Əvvəlcə ABŞ mərkəzi komandanlığının nümayəndəsi Con Tomas 50 nəfərin öldüyünü açıqlayıb. Lakin Məzari-Şərif rəhbərliyindən olan məmur azı 140 hərbçinin öldüyünü, çoxlu sayda yaralının olduğunu deyib. Ölənlərin sayı arta bilər.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
