Əsma Əsədin erməni tərcüməçisi Suriyadan qaçıb
09 sentyabr 2013 21:09 (UTC +04:00)

Əsma Əsədin erməni tərcüməçisi Suriyadan qaçıb

Suriya prezidenti Bəşar Əsədin xanım Əsma Əsədin erməni əslli tərcüməçisi Miqran Bertizlyan 4 ay əvvəl ailəsini də götürüb Ermənistana qaçıb. 


Lent.az-ın «Azadlıq» radiosuna istinadən məlumatına görə, bu haqda  «Hurriyet Daily News»a xəbər yayıb. O,İrəvanda  bildirib ki, Suriyadan qaçmaq istəməsə də ailəsinin təhlükəsizliyi üçün buna məcbur olub: “Evdən çıxanda heç xırda bir əşyamı da götürə bilmədim. Suriyanın havası, suyu, oradakı evimiz, hətta, küçələrdəki kasıbları üçün çox darıxmışam. Burda müvəqqətiyəm, özümü Ermənistanın bir parçası kimi hiss edə bilmirəm.”

Miqran Bertizlyan qeyd edib ki, Bəşar Əsəd yaxşı təhsilli insandır və o, sadəcə hansısa oyunda aldadılıb: “Əsəd demokratiya üçün çox iş görməli idi. Amma atası Hafiz Əsədə baxanda Bəşar və onun xanımı Əsma xeyli fərqlidir. Orada baş verənlərə görə çox təəssüflənirəm.”

Suriyada vətəndaş müharibəsinə görə yüzlərlə erməni ailəsi Ermənistana qaçıb. Rəsmi Bakı bir neçə dəfə bəyan edib ki, Ermənistan həmin qaçqın ailələri qanunsuz olaraq işğal altında saxladığı Azərbaycanın Qarabağ torpaqlarında yerləşdirir.

 

# 837
avatar

Oxşar yazılar