İraqın şimalını idarə edən kürd idarəçilərin Bağdada göndərdiyi heyət «mübahisəli bölgələrdə» yaşanan əsgəri hərəkatdan danışıblar. Kürdlər İraqın baş naziri Nuri əl-Malikidən «Dəclə hərəkatı komandanlığı»nın ləğv edilməsini istəyib.
Lent.az-ın Türkiyə «NTV»-sinə istinadən məlumatına görə, İraq prezidenti və Kürdüstan Yurdsevərlər Birliyinin lideri Cəlal Talabanin səhhətində yaranmış problemdən sonra mərkəzi hakimiyyətlə ölkənin şimalını idarə edənlər arasında danışıqlar yenidən başlayıb.
«Mübahisəli bölgələr» Kərkük, Səlahəddin və Diyala vilayətinin bəzi qəsəbələri daxildir. Həmin əraziyə baş nazir Maliki «Dəclə hərəkatı» adlı xüsusi təyinatlı göndərib.
Kürdlər bu əraziyə iddia edirlər. Onlar da öz növbəsində bölgəyə yaraqlılarını yollayıblar. Mərkəzi hökumətlə ölkənin şimalını idarə edənlər arasında hərbi qarşıdurma qalmaqdadır.
Prezident Talabani və məclisin sədri Üsamə ən –Nuceyfin tərəfləri barışdırmaq cəhdləri bir nəticə verməyib.
«Dəclə hərəkatı» özəl dəstəsi ilə bağlı kürdlərin təklifini rəsmi Bağdad qəbul etmir. Ona görə də bəzi təhlilçilər bu təkliflə baş nazir Malikinin razılaşmayacağını bildiriblər.