Tam Günəş tutulması baş verib - YENİLƏNİB

Avqustun 21-də tam Günəş tutulması baş verib.

APA-nın xəbərinə görə, Günəş tacı əvvəlki tutulmalarla müqayisədə bir neçə dəfə böyük olub.

Tutulma müddəti 2 dəqiqə 40 saniyə, yer səthində Ayın kölgəsinin eni isə 115 kilometr təşkil edib.

Bakı vaxtı ilə saat 19:47-də başlayan proses saat 22:26-da maksimumda olub.

Günəş tutulması saat 01:04-də sona çatıb.

Azərbaycanda bu prosesi müşahidə etmək mümkün olmayıb. Qismən Qərbi Avropa və Cənubi Amerikanı əhatə edən nadir təbiət hadisəsini yalnız ABŞ sakinləri müşahidə edə biliblər.

İlk dəfə olaraq ABŞ-ın bütün ştatlarını əhatə edən Günəş tutulmasına “Böyük Amerika tutulması” adı verilib. Tutulma zamanı Günəş aktivliyi dünyanın ən güclü teleskopu olan DKIST vasitəsi ilə izlənilib.

Növbəti Günəş tutulmasının 2 sentyabr 2035-ci ildə baş verəcəyi ehtimal olunur.

Qeyd edək ki, 2017-ci ildə ilk Ay tutulması fevralın 11-də, Günəş tutulması isə fevralın 26-da baş verib.

***

Milyorlarca insanın gözlədiyi tam Günəş tutulması ABŞ-da izlənməyə başlanıb.

Lent.az-ın “qafqazinfo”ya istinadən xəbərinə görə, tarixi hadisə NASA tərəfindən canlı yayımlanır.

Günəş tutulmasını sadəcə ABŞ-ın şimalında – Oreqon, İdaho, Vyominq, Nebraska, Missuri, İllinoys, Tennessi, Şimali Karolina ştatlarında izləmək mümkündür.