ABŞ Prezidenti Donald Tramp Ukrayna və Avropanı ittiham edib.
Lent.az-ın xəbərinə görə, Donald Tramp “Truth Social” hesabında paylaşımında növbəti dəfə Ukrayna–Rusiya müharibəsinin baş verməsinə görə Co Bayden administrasiyasını günahlandırıb.
ABŞ Prezidenti qeyd edib ki, güclü və düzgün liderlik olsaydı, Ukrayna müharibəsi baş verməzdi. Donald Tramp 2020-ci ildə ABŞ-da prezident seçkilərinin “saxtalaşdırıldığını” iddia edərək, bu səbəbdən Rusiya Prezidenti Vladimir Putinin hücuma keçmək üçün fürsət gördüyünü vurğulayıb: “Mənim prezidentlik dövrümdə belə bir təhlükə belə yox idi, Putin heç vaxt hücum etməzdi. Putin Co Baydeni görəndən sonra ‘bu, mənim şansımdır" dedi. Co Bayden Ukraynaya hər şeyi pulsuz verib”.
Donald Tramp bildirib ki, hazırda ABŞ Ukraynaya göndərilməsi üçün NATO-ya böyük həcmdə silah partiyaları satmağa davam edir: "Ukrayna rəhbərliyi bizim səylərimizə görə heç bir minnətdarlıq bildirməyib, Avropa isə hələ də Rusiyadan neft alır".
ABŞ Prezidenti Ukrayna müharibəsini “humanitar fəlakət” adlandırıb.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
