Fransada Nanterdə başlayan iğtişaşlar Paris və ətraf ərazilərə qədər genişlənib.
Lent.az-ın BFMTV kanalına istinadən verdiyi məlumata görə, iyunun 27-də Nanterre şəhərində polis əməkdaşları onların tələblərini yerinə yetirməkdən imtina edən 17 yaşlı yeniyetməni güllələyiblər.
Günün ikinci yarısında sosial şəbəkələrdə hüquq-mühafizə orqanlarının əməkdaşlarına etiraz çağırışları səslənməyə başlayıb.
Bir qrup şəxs mərhumun evinin yaxınlığında və hakimiyyət orqanlarının inzibati binasının qarşısına toplaşıb.
Buna cavab olaraq polis bölmələri, o cümlədən xüsusi cavab bölmələri şəhərətrafı ərazilərə göndərilib.
Etirazçılar polislə toqquşub. Barrikadalar qurmağa başlayan etirazçılar polisə daş və yandırıcı qarışıqlar atıblar.
Polis gözyaşardıcı qazla cavab verib.
Şəhər prefekturasından verilən məlumata görə, etirazçılar həmçinin üç avtomobili yandırıblar.
Artıq 9 nəfər həbs edilib.