Meymunçiçəyi yayılır - fövqəladə vəziyyət elan edildi

Afrikada meymunçiçəyi epidemiyası (mpox) səbəbindən fövqəladə vəziyyət elan edilib.

Lent.az xəbər verir ki, bu barədə “Reuters“ məlumat yayıb.

Məlumata görə, xəstəlik Konqo Demokratik Respublikasından qonşu ölkələrə yayılıb.

Bildirilib ki, Konqoda meymunçiçəyi epidemiyası “Clade I” kimi tanınan endemik ştammın yayılması ilə başlayıb. Lakin sonra “Clade Ib” kimi tanınan yeni bir variant ortaya çıxıb və bu xəstəlik, xüsusilə uşaqlar arasında müntəzəm yaxın təmas vasitəsilə daha asan yayılır.

Afrika Xəstəliklərə Nəzarət və Qarşısının Alınması Mərkəzləri (Africa CDC) keçən həftə virusun yayılma sürətinin həyəcan verici olduğu barədə xəbərdarlıq edib.

Qeyd edilib ki, ilin əvvəlindən Afrika qitəsində bu xəstəliyə 15 mindən çox yoluxma və epidemiyadan 461 ölüm halı qeydə alınıb ki, bu da ötən ilin müvafiq dövrü ilə müqayisədə 160% çoxdur.