Meksikanın Mexiko ştatında, Toluka şəhərinin beynəlxalq hava limanı yaxınlığında biznes-cet qəzaya uğrayıb.
Lent.az xəbər verir ki, bu barədə Milenio qəzeti məlumat yayıb.
Məlumata görə, təyyarə hava limanına yaxınlaşan zaman yerə çırpılıb.
Zərbədən sonra təyyarədə yanğın baş verib.
Qəzanın Akapulko şəhərindən Tolukaya uçan "Cessna Citation III" tipli təyyarə ilə baş verdiyi deyilir.
Hazırda göyərtədə olan şəxslərin sayı, eləcə də ölən və yaralananlar barədə rəsmi məlumat yoxdur.
Hadisə yerinə yanğınsöndürənlər, təcili tibbi yardım briqadaları, Mülki Müdafiə və Mexiko ştatının təhlükəsizlik qüvvələri cəlb olunub.
Araşdırma aparılır.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
