Gizli yazışmalar göstərir ki, HƏMAS Əsəd rejimini açıq şəkildə qınasa da, onunla İran və “Hizbullah” vasitəsilə gizli əlaqələr saxlayıb.
HƏMAS Bəşər Əsəd rejimi ilə əlaqələrini açıq şəkildə inkar etsə də, yeni gizli məktublar bunun əksini göstərir. Əlaqə İran və “Hizbullah” vasitəsilə qorunub saxlanılıb.
Lent.az-ın xarici KİV-ə istinadla xəbərinə görə, məktubda Sinvar Haniyəyə yazır: "Suriya bizim üçün sığınacaq kimi zəruri bir arenadır".
Sənədlərə HƏMAS, “Hizbullah” liderləri və İrandakı “Fələstin Qrupu”nun komandiri Səid İzadi arasında keçirilən görüşlərin protokolları və yazışmalar daxildir.
Sinvar Haniyəyə izah edir ki, HƏMAS heç vaxt Suriya rejimini boykot etməyib. Bunlar yalnız məcburi gedişlər olub. Bu, ideoloji fərqlərə görə deyil, "dövrün və vəziyyətin zərurətindən" yaranıb.
Məktubda Dəməşqlə münasibətlərin bərpasının strateji zəruriliyi vurğulanır. Suriya təşkilatlanma və planlaşdırma, eləcə də İranın rəhbərlik etdiyi "oxlu müqavimət"də iştirak etmək üçün baza kimi qəbul edilib.
Bir ay sonra HƏMAS, “Hizbullah” və İzadi liderləri arasında rəsmi görüş keçirilib. Məqsəd Suriya rejimi ilə münasibətlərin bərpası üçün mexanizm hazırlamaq olub. Sənədlər həmçinin ərəb və Fələstin ictimaiyyəti arasında tənqidləri azaltmaq üçün bir strategiya hazırlandığını göstərir.
Görüş protokollarına əsasən, Əsədlə ilkin görüşə digər fələstinli şəxslər də dəvət olunub. Bu, HƏMAS-a diqqəti minimuma endirmək və təşəbbüsü kollektiv səy kimi təqdim etmək üçün edilib. Sonrakı görüşlərin mediada işıqlandırılmaması qərara alınıb.
2022-ci ilin sentyabr ayında göndərdiyi məktubda Haniyə Nəsrullaha vasitəçiliyinə görə təşəkkür edir. O, Əsəddən Suriyadakı fələstinli məhbusları azad etməsini xahiş edir. Məqsəd HƏMAS-a qarşı tənqidləri azaltmaq olub. Lakin bu, rejimlə əməkdaşlığın davam etdirilməsi üçün şərt deyildi.
HƏMAS rəhbərliyinə yaxın şeyxin başqa bir sənədində Əsədlə münasibətlərin normallaşdırılmasını pisləyən ərəb ölkələri kəskin şəkildə tənqid olunur. Müəllif vurğulayır ki, "İran oxu" ilə aktiv münasibətlər olmadan HƏMAS dağılacaq. İran, Əsəd və husilərlə qarşılıqlı əlaqənin hər hansı bir məhdudlaşdırılması təşkilatın strateji məğlubiyyətinə səbəb olacaq.
Həmas Əsəd rejimini mülki şəxsləri öldürdüyünə görə ictimaiyyət qarşısında qınayıb. Qapalı qapılar arxasında strateji maraqlara xidmət etdikdə, o, fəal şəkildə əməkdaşlığa başlayıb. Amanın sözlərinə görə, gizli elektron poçtlar göstərir ki, Həmas liderləri Suriya rejiminin süqutundan ciddi şəkildə qorxublar və bunu bütün İran oxunun gücü üçün vacib hesab ediblər.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
