Amerikalı alimlərin 1960-cı ildə apardıqları hesablamalara görə, "Qiyamət gününə" 300 gündən bir az çox vaxt qalıb, lakin bəşəriyyət artıq bu dəhşətli tənliyi "sındırıb".
Lent.az xarici mətbuata istinadla bildirir ki, 60 ildən çox əvvəl hazırlanmış "qiyamət tənliyi"nə görə, 2026-cı il bəşəriyyət üçün son il olacaq. Bir qrup alim - Heyns fon Ferster, Patrisiya M. Mora və Lourens V. Amiot - 1960-cı ildə "Science" jurnalında dərc olunmuş tədqiqatlarında dünyanın sonu üçün konkret bir tarix təyin etdilər: 2026-cı il noyabrın 13-ü, cümə günü.
Düzgün riyazihesablamalara nə mane olub?
"Biz əzilərək öləcəyik"
Tədqiqatçılar son 2000 ildə planetin əhali artımının təhlilindən sonra narahatedici bir tendensiya müşahidə ediblər. Müharibələrə və epidemiyalara baxmayaraq, insan əhalisi daha da sürətlə artıb - 1900-cü ildəki 1,6 milyarddan 1960-cı ildə 3 milyarda çatıb.
Alimlər hazırkı artım tempi davam edərsə, əhalinin dəqiq 2026-cı ilin noyabr ayında "sonsuzluğa" çatacağını göstərən mürəkkəb bir formula hazırlayıblar.
"Nəticələrimizin nəvələri aclıqdan ölməyəcək. Onlar əzilərək öləcəklər", - tədqiqatda pessimist şəkildə yekunlaşdırılıb.
Alimlər texnologiyanın istənilən sayda insanı qidalandırmağa imkan verəcəyinə, lakin fiziki məkanın sadəcə kifayət etməyəcəyinə və sistem əzilmədən "özünü məhv edəcəyinə" inanıblar.
Niyə hələ də yaşayırıq?
Xoşbəxtlikdən, riyazi model sosial dəyişiklikləri nəzərə almayıb. Proqnoz uğursuz olub, çünki dünyada qadınlar daha az uşaq dünyaya gətirməyə başlayıblar.
Hazırda Yer kürəsində təxminən 8,2 milyard insan yaşayır, lakin artım tempi xeyli yavaşlayıb. BMT-nin məlumatına görə, planetin əhalisi 2080-ci illərdə pik həddə (təxminən 10,3 milyard) çatacaq və hətta 2100-cü ilə qədər azalmağa başlayacaq. 1960-cı illərdə qorxulan eksponensial partlayış hələ baş verməyib.
Dünyanın əsl sonu nə vaxt baş verəcək?
Əgər 2026-cı ildən sağ çıxsaq, onda əsl apokalipsisi nə vaxt gözləyə bilərik? Toho Universitetinin (Yaponiya) və NASA-nın müasir alimləri daha uzaq bir proqnoza sahibdirlər. Onların kompüter simulyasiyalarına görə, Yer kürəsi 1.000.002.021-ci il (bir milyard ildən sonra) ətrafında yaşanmaz hala gələcək.
Səbəb Günəşdir. Hava daha da istiləşəcək, okeanlar buxarlanacaq və atmosfer oksigen itirəcək. Beləliklə, hələ bir az vaxtımız var.
Xatırladaq ki, dəhşətli bir simulyasiya bəşəriyyətin qaranlıq tərəfini ortaya qoyub. Alimlər dünyanın sonu yaxınlaşdıqca insanların əslində necə davranacağını izah ediblər.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
