ABŞ-ın Florida ştatı, Mayami şəhərində yaşayış binasının çökməsi nəticəsində ölənlərin sayı 3-ə çatıb.
APA xəbər verir ki, bu barədə yerli “ABC” telekanalı məlumat yayıb.
Buna qədər bir nəfərin öldüyü təsdiqlənmişdi. Son məlumata görə, 99 nəfər hələ də itkin düşmüş hesab olunur.
“ABC” xəbər verir ki, dağıntılar altından ölənlərlə birgə 35 nəfəri çıxarmaq mümkün olub. Sağ qalanların bəziləri travma alıb.
Qeyd edək ki, 12 mərtəbəli yaşayış binası iyunun 23-dən 24-nə keçən gecə qəfildən çöküb. Hadisə bölgəsində nəqliyyatın hərəkəti məhdudlaşdırılıb. Hadisənin səbəbləri hələlik müəyyən olunmayıb. Ərazidə polis, yanğından mühafizə xidməti və xilasedicilər çalışır.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
