İstanbul Baş Mütəşəkkil Cinayətkarlıqla Mübarizə İdarəsinin əməkdaşları sabiq futbolçunu saxlayıblar.
Lent.az yerli KİV-ə istinadla xəbər verir ki, keçmiş futbolçu Ersin Güreler FƏTO üzvü olduğu üçün 2018-ci ildən barəsində axtarış elan olunub. O, keçirilən əməliyyatlar zamanı Beylikdüzündə bir evdə ələ keçirilib.
44 yaşlı E. Güreler qanunsuz silahlı qruplaşma üzvü olmaqda ittiham olunur və onun 6 il 3 ay müddətinə həbs ediləcəyi gözlənilir.
Qeyd edək ki, Ersin Güreler “Çaykur Rizespor”, “Eskişehirspor”, “Giresunspor” və “Tepecikspor” kimi klubların formasını geyinib.
Xatırladaq ki, bundan əvvəl keçmiş futbolçu Zafer Biryol da eyni ittihamla saxlanılaraq, həbs edilib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
