Amerikada son 100 ilin ən böyük SEKS QALMAQALI: DiCaprio, Lopez, Beyons...

Noyabr ayında keçmiş sevgilisi Kassanda Ventura tərəfindən zorakılıq və təcavüzlə ittiham olunan dünya şöhrətli müğənni Paff Diddi Kombs hələ də gündəmin zirvəsindədir. Amerikanı çalxalayan bu hadisə və ittihamlardan sonra Kombs sentyabrın 17-si seks alveri, cinsi istismar və reketçilik ittihamları ilə Manhettendəki otelində polislər tərəfindən saxlanılıb.

Seks alveri iddiası…

Lent.az xəbər verir ki, xarici mediada yer alan məlumatda seks alveri və cinsi istismarda ittiham olunan qalmaqallı sənətçinin məclislərində görüntülənən Hollivud və pop ulduzlarının adları qeyd olunub.

Onlar arasında ən məşhur aktyor və müğənnilər də var. Paff Diddi Kombsun ev sahibliyi etdiyi sosial partilərin arxiv fotoşəkillərində onun 2019-cu ildən münasibətdə olduğu Leonardo DiCaprio, Ashton Kutcher, Sarah Jessica Parker, Paris Hilton, Martha Stevart, Aretha Franklin, Jay-Z, Beyons və Cennifer Lopez də var.

Bununla belə, məşhurların hər hansı qeyri-qanuni fəaliyyətdə və ya cinayət əməllərində iştirakına dair heç bir sübut tapılmayıb. Anonim şahidlərin bildirdiyinə görə, Diddinin məclislərində kişi və qadınların, o cümlədən məşhur sənətçilərin alçaldıldığı, pul və musiqi müqabilində cinsi əlaqəyə girməyə məcbur edildiyi gizli otaqlar var.

Diddinin həbsi…

Nyu-York polisi reper və sahibkar Diddini (əsl adı Şon Kombs) nəzarətə götürüb. Hip-hop ifaçısı reketçilik, seks alveri və cinsi istismarda ittiham olunur. Sənətçinin həbsi sentyabrın 17-də baş verib. Bildirilib ki, polis əməkdaşları axşam saatlarında Kombsun qaldığı otelə basqın edərək onu saxlayıblar. Məlumata görə, Kombs cinsi istəklərini yerinə yetirmək üçün qadınları zorakılıqla və hədələməklə buna məcbur edib. Həmçinin bu sübutları gizlətmək üçün də onları hədələyib.

Sonradan ittihamlara bir qrup şəxs qismində qabaqcadan əlbir olaraq molotof kokteyli ilə avtomobili yandırmaq da əlavə edilib. Maşının sahibinin adı açıqlanmır. İddialara görə, Kombs həmin şəxsi keçmiş sevgilisi, müğənni və aktrisa Kessi (Kassandra Ventura) ilə romantik münasibətdə olduğundan şübhələnərək avtomobilini partlatmaqla hədələyib.

Kombsun həbsinin səbəbi və ona qarşı ittihamlar…

Həbs müğənni Kessinin döyülməsi videosunun yayımlanmasından sonra baş verib. Kombs 2023-cü ilin noyabr ayından bəri zorlama, cinsi təcavüz və məcburi narkotik qəbulu da daxil olmaqla mülki iddialarla üzləşib.

İlk iddiaları reperin keçmiş sevgilisi, R&B müğənnisi Kessi irəli sürüb. O, iddiasında onun 10 il ərzində seks alverində istifadə edildiyini, zorlandığını, ona zorla narkotik vasitələrin məcbur verildiyini və Kombs tərəfindən dəfələrlə vəhşicəsinə döyüldüyünü göstərib.

Mart ayında Los-Anceles və Mayamidə Kombsa məxsus evlərə ABŞ Daxili Təhlükəsizlik rəsmiləri seks alveri araşdırması ilə bağlı basqın ediblər. May ayında CNN Kombsun 2016-cı ildə Los-Ancelesdəki otelin dəhlizində o vaxtkı sevgilisi Kessi Venturaya hücum etməsinin görüntülərini yayımlayıb. Müxtəlif rakurslardan çəkilmiş videoda Kombsun dəsmalla Venturanı dəhlizdə qovaladığı, onu yumruqlayıb yerə yıxması və paltarından tutaraq dəhlizdə sürüdüyü görünür.

Daha sonra Kombs İnstaqramda üzrxahlıq videosunu paylaşaraq, davranışının düzgün olmadığını və videodakı hərəkətlərinə görə bütün məsuliyyəti öz üzərinə götürdüyünü bildirib.

Kombs 1991-ci ilin yanvarında Sirakuza Universitetində psixologiya tələbəsi olarkən ona narkotik maddə içirdiyini və cinsi təcavüz etdiyini iddia edən model Coi Dikerson-Nil tərəfindən noyabr ayında məhkəməyə verilib. May ayında keçmiş model Kombsu 2003-cü ildə Nyu-Yorkdakı səsyazma studiyasında ona qarşı cinsi təcavüzdə ittiham edib.

Daha sonra, həmin ay bir qadın da Kombsu 20 ildən çox əvvəl Nyu-Yorkda moda tələbəsi olarkən ona qarşı cinsi təcavüzdə ittiham irəli sürüb. Fevral ayında bir musiqi prodüseri iddia edib ki, Kombs onu fahişələrlə cinsi əlaqədə olmağa təzyiq edib.

Müğənni Davn Riçard həbs olunmazdan bir müddət əvvəl Kombsa qarşı başqa bir iddia qaldırıb. O, karyerasına başlamasına kömək etdiyi üçün illərlə Kombs tərəfindən psixoloji və fiziki zorakılığa məruz qalıb.

Həbs edildikdən sonra başqa bir qadın Thalia Graves Nyu-Yorkda musiqi maqnatının və onun təhlükəsizlik xidmətinin rəhbərinin ona təcavüz etdiyini və bunu səsyazma studiyasında videoya çəkdiyini iddia edərək məhkəməyə müraciət edib.

Eyni zamanda, yaşlı kino ulduzu Adria İnqliş adlı qadın Diddinin təşkil etdiyi ziyafətlərdə qonaqlarla cinsi əlaqədə olmaq üçün pul aldığını iddia edərək məhkəməyə müraciət edib.

İyulun 3-ü məhkəməyə müraciət edən Adria, ilk dəfə 2004-cü ildə Combs tərəfindən işə götürüldüyünü və zamanla seks alverinə hazırlandığını iddia edir.

Kombsun vəkili Conatan Davis iddiaları rədd edərək deyib:

"Nə qədər məhkəmə iddiası olsa da, bu, cənab Kombsın heç kimə cinsi təcavüz etmədiyi və ya seks alveri ilə məşğul olmadığı faktını dəyişməyəcək. Biz elə bir dünyada yaşayırıq ki, kim istəyirsə, hər hansı səbəbdən və heç bir sübut olmadan məhkəməyə müraciət edə bilər. Xoşbəxtlikdən həqiqəti tapmaq üçün ədalətli və qərəzsiz proses gedir. Cənab Kombs məhkəmədə bu və digər yalan iddialara qarşı qalib gələcəyinə əmindir".

Adria hüquqi sənədlərdə deyir ki, o, Kombsun Mayamidəki evində məşhurların ziyafətində işlədiyi ilk zamanlar bu pis niyyəti olmayan qanuni iş kimi görünürdü. Ona görə də növbəti il işə dəvət olunanda o, qəbul edib. O bildirir ki, bəzi təfərrüatlar tam yadında qalmayıb, çünki həmin zamanlarda ondan külli miqdarda spirtli içki və qanunsuz narkotik istifadə etməsi tələb edilib.

Kombs ona qarşı irəli sürülən bütün ittihamları rədd edərək vurğulayıb:

"Mən tamamilə açıq deyim: iddia edilən dəhşətli şeylərin heç birini etməmişəm. Adım, ailəm və həqiqət uğrunda mübarizə aparacağam".

Kombsa qarşı irəli sürülən cinayəti işi indi nə yerdədir?

Diddi Kombs Metropoliten İstintaq Təcridxanasında saxlanılır və o, məhkəməsi başlayana qədər burada qalacaq. Məhkəmənin vaxtı hələ təyin edilməyib və prokurorlar Kombsın iddia edilən cinayətlə bağlı istintaqın davam etdiyini bildiriblər. Bildirilib ki, cinayətlə bağlı 50-dən çox zərərçəkmiş var. İddia edilən ittihamlarla bağlı şahidlərlə danışıqlar aparılıb.